ಬಿ.ಗ್ರೀನ್

ಬೆಂಗಳೂರು ನಗರವು ಹೊಂದಿರುವ ಉತ್ತಮ ಹವಾಮಾನ, ಉದ್ಯಾನವನಗಳು ಹಾಗೂ ಸ್ಪಂದನಾತ್ಮಕ ಸಂಸ್ಕøತಿಯು ನಗರವನ್ನು ದೇಶದ ಸಿಲಿಕಾನ್ ವ್ಯಾಲಿಯನ್ನಾಗಿ ಗುರುತಿಸಲು ಮುಖ್ಯ ಪಾತ್ರ ವಹಿಸಿವೆ. ಈ ಕಾರಣಗಳಿಂದಾಗಿ ಜಗತ್ತಿನ ಎಲ್ಲಾ ಭಾಗಗಳಿಂದ ವಿದ್ಯಾರ್ಥಿಗಳು, ವೃತ್ತಿಪರರು ಹಾಗೂ ಅವರ ಕುಟುಂಬದವರನ್ನು ನಗರವು ತನ್ನತ್ತ ಆಕರ್ಷಿಸುತ್ತಿದೆ. ತೀವ್ರ ವೇಗವಾಗಿ ಬೆಳೆಯುತ್ತಿರುವ ಜನಸಂಖ್ಯೆ, ನಗರೀಕರಣದ ಗತಿಯನ್ನು ಹೆಚ್ಚಿಸುವ ಯೋಜನೆಗಳಿಂದ ನಗರದ ಹಸಿರು ಪರಿಸರ ಕ್ಷೀಣಿಸುತ್ತಿದೆ. ವೇಗವಾದ ನಗರೀಕರಣದ ಪರಿಣಾಮವಾಗಿ ಮುಂಬರುವ ದಿನಗಳಲ್ಲಿ ಬೆಂಗಳೂರು ನಗರವು ತೀವ್ರತರದ ನೀರಿನ ಬಿಕ್ಕಟ್ಟು, ಅರಣ್ಯ ನಾಶ, ಘನತ್ಯಾಜ್ಯ ನಿರ್ವಹಣೆಯ ಸಮಸ್ಯೆ, ಹೆಚ್ಚುತ್ತಿರುವ ವಾಹನ ದಟ್ಟಣೆ ಹಾಗೂ ಮಾಲಿನ್ಯ, ಸಂಪನ್ಮೂಲದ ಕೊರತೆ ಹಾಗೂ ಒಟ್ಟಾರೆಯಾಗಿ ಜೀವನ ಗುಣಮಟ್ಟದಲ್ಲಿನ ಕುಸಿತದಂತಹ ದೊಡ್ಡ ಸವಾಲುಗಳನ್ನು ಬೆಂಗಳೂರಿನ ನಾಗರೀಕರು ಎದುರಿಸಬೇಕಾಗುತ್ತದೆ.

ಬಿ.ಪ್ಯಾಕ್‍ನ ಬಿ.ಗ್ರೀನ್ ಕಾರ್ಯಕ್ರಮವು ಬೆಂಗಳೂರಿನಲ್ಲಿ ಪರಿಸರ ಸುಸ್ಥಿರತೆ, ಸಾಮಾಜಿಕ-ಆರ್ಥಿಕ ಉನ್ನತಿ, ಕ್ಷೀಣಿಸುತ್ತಿರುವ ಹವಾಮಾನ ಗುಣಮಟ್ಟದ ಚೇತರಿಕೆ ಮತ್ತು ಜೀವನ ಗುಣಮಟ್ಟ ವೃದ್ಧಿಗೊಳಿಸುವ ಉದ್ದೇಶವನ್ನು ಹೊಂದಿದೆ. ಇದನ್ನು ಸಾಧಿಸುವ ನಿಟ್ಟಿನಿಂದ ವಿಷಯ ತಜ್ಞರು, ಸರ್ಕಾರಿ ಸಂಸ್ಥೆಗಳ ಮೇಲ್ವಿಚಾರಕರು ಹಾಗೂ ನಾಗರಿಕರನ್ನೊಳಗೊಂಡು ಕಾರ್ಯಕ್ರಮಗಳು/ಚರ್ಚೆಗಳನ್ನು ನಡೆಸಿ, ಈ ಚರ್ಚೆಗಳಿಂದ ಹೊರಬರುವ ಸಲಹೆ ಸೂಚನೆಗಳನ್ನು ಬಿ.ಕ್ಲಿಪ್ ನಾಯಕರು ಮತ್ತು ಸಮುದಾಯ ಪಾಲುದಾರರ ಮೂಲಕ ತಳಮಟ್ಟದಲ್ಲಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುತ್ತದೆ. ನಮ್ಮ ಎಲ್ಲಾ ಕಾರ್ಯಕ್ರಮಗಳು ಮತ್ತು ಯೋಜನೆಗಳು ನಗರ, ರಾಜ್ಯ ಮಟ್ಟ, ರಾಷ್ಟ್ರ ಹಾಗೂ ಅಂತಾರಾಷ್ಟ್ರೀಯ ಸುಸ್ಥಿರಾಭಿವೃದ್ಧಿ ಆದ್ಯತೆಗಳೊಂದಿಗೆ ಪ್ರತಿಪಾದಿಸುವ ದೂರದೃಷ್ಟಿಯನ್ನು ಹೊಂದಿದೆ. ಮತ್ತಷ್ಟು ತಿಳಿಯಿರಿ