ಸಿವಿಕ್ ಹಬ್ ಅಂದರೆ ಏನು?

ಬಿ.ಕ್ಲಿಪ್ ಕಾರ್ಯಕ್ರಮದಲ್ಲಿ ತರಬೇತಿ ಪಡೆದ ನಾಗರಿಕ ನಾಯಕರನ್ನು ಸಾರ್ವಜನಿಕ ಕ್ಷೇತ್ರದಲ್ಲಿ ತೊಡಗಿಕೊಂಡು, ವಾರ್ಡ್ ಮಟ್ಟದಲ್ಲಿ ಸಾರ್ವಜನಿಕ ಸೌಲಭ್ಯಗಳ ಸುಧಾರಣೆ ಮಾಡುವಲ್ಲಿ ಕ್ರಿಯಾಶೀಲರಾಗಿರಬೇಕೆನ್ನುವ ಉದ್ದೇಶದಿಂದ ಸಿವಿಕ್ ಹಬ್ ಅನ್ನು ಆರಂಭಿಸಲಾಗಿದೆ. ಈ ಸಿವಿಕ್ ಹಬ್ ಗಳ ಮೂಲಕ ಸಾರ್ವಜನಿಕರ ಕುಂದುಕೊರತೆಗಳಿಗೆ ವಾರ್ಡ್ ಹಾಗೂ ವಲಯ ಅಧಿಕಾರಿಗಳ ಜೊತೆಗೂಡಿ ವಿನೂತನ ಹಾಗೂ ಸಮರ್ಪಕವಾದ ಪರಿಹಾರಗಳನ್ನು ಕಾರ್ಯರೂಪಕ್ಕೆ ತರುವ ಮಹತ್ವಾಕಾಂಕ್ಷೆ ಹೊಂದಿದೆ. ಈ ಕಾರ್ಯಕ್ರಮವು ನಾಗರಿಕರಿಗೆ ಬೇಕಾಗುವ ಸಾಮಾನ್ಯ ಸರ್ಕಾರಿ ಸೇವೆಗಳನ್ನು ಒಳಗೊಂಡಂತೆ ಹಲವು ಕಾರ್ಯಗಳನ್ನು ಮಾಡುವ ಸದ್ದುದೇಶವನ್ನು ಕೂಡಿದೆ.

ಬೆಂಗಳೂರು ನಗರದಲ್ಲಿ ಎಂಟು ಸಿವಿಕ್ ಹಬ್‌ಗಳು ಕಾರ್ಯನಿರ್ವಹಿಸುತ್ತಿವೆ. ಮುಂಬರುವ ದಿನಗಳಲ್ಲಿ ಸಿವಿಕ್ ಹಬ್‍ಗಳ ಸಂಖ್ಯೆಗಳನ್ನು ವಿಸ್ತರಿಸುವ ಗುರಿಯನ್ನು ಹೊಂದಿದ್ದೇವೆ. ಬಿ.ಕ್ಲಿಪ್ ನಾಗರಿಕ ನಾಯಕರು ವಾರ್ಡ್‌ ಮಟ್ಟದಲ್ಲಿ ಕಾರ್ಯಯೋಜನೆಗಳನ್ನು ರೂಪಿಸಿ ಸಕಾರಾತ್ಮಕ ಬದಲಾವಣೆಗಳನ್ನು ತರುವ ಪ್ರಯತ್ನದಲ್ಲಿ ನಾಗರಿಕರನ್ನು ಸಹಭಾಗಿಯನ್ನಾಗಿಸಿಕೊಳ್ಳುವ ಉದ್ದೇಶವನ್ನು ಸಿವಿಕ್ ಹಬ್ ಹೊಂದಿದೆ.